အထူးလိုင်စင်ဖြင့် ဝယ်လိုအားများနေ၍ မတ်ပဲဈေးဆက်လက်ကောင်းနိုင်

တလင်းထဲတွင် မတ်ပဲများကို နေလှန်းနေစဉ် (ဓာတ်ပုံ - စိုင်းဇော်)

အထူးလိုင်စင်ရရှိထား သော အိန္ဒိယကုန်သည်များ၏ ဝယ်လိုအားများနေခြင်းကြောင့် ပြည်တွင်း မတ်ပဲဈေးနှုန်း အမြင့် ဈေးတွင် ဆက်လက်ရှိနေမည်ဟု ပြည်ပသို့ ပဲတင်ပို့နေသည့် စီးပွားရေးလုပ်ငန်းရှင်အချို့က ခန့်မှန်း သည်။


အိန္ဒိယနိုင်ငံတွင် မတ်ပဲ အထွက်လျော့နည်းခြင်းကြောင့် မြန်မာနိုင်ငံမှ မတ်ပဲဝယ်လိုအားများပြီး အမြင့်ဈေး၌ ဆက်လက်တည်ရှိနေမည်ဟု ၎င်းတို့က ခန့်မှန်း သည်။

အိန္ဒိယတွင် မတ်ပဲကို မိုး ရာသီ၌ အများဆုံးစိုက်ပျိုးသော် လည်း ယခုနှစ်တွင် အထွက်နှုန်း လျော့နည်းသဖြင့် အိန္ဒိယအစိုးရ က ကုန်သည်များကို ပြည်ပမှ တင်သွင်းရန် အထူးလိုင်စင်များ ချထားပေးကြောင်း မြန်မာနိုင်ငံ ပဲမျိုးစုံနှင့် နှမ်းကုန်သည်အသင်း အတွင်းရေးမှူး ဦးမင်းကိုဦးက ပြောသည်။

‘‘အိန္ဒိယမှာ မတ်ပဲလိုအပ် ချက် ရှိနေတယ်လို့တော့ ကျွန် တော်တို့က သုံးသပ်ပါတယ်’’ဟု ၎င်းက ပြောသည်။

လက်ရှိ ရန်ကုန်ဈေးကွက် တွင် မတ်ပဲဈေးနှုန်း တစ်တန် လျှင် အနည်းဆုံး ကျပ်  ၅၈၅,၀၀၀ ဈေးရှိနေသည်။ အိန္ဒိယဝယ်လို အားကြောင့် မတ်ပဲအမြင့်ဈေး တွင် တည်ငြိမ်နေသော်လည်း ပဲစင်းငုံဈေးနှုန်းသည် တစ်တန် လျှင် ကျပ် ၄၈၀,၀၀၀ ခန့် ဈေးရှိ နေသည်။

အိန္ဒိယအစိုးရက ၂၀၁၈ တွင် ပြည်ပမှ မတ်ပဲတန်ချိန် တစ် သိန်းခွဲ၊ ပဲစင်းငုံတန်ချိန် နှစ်သိန်း တင်သွင်းရန် စီစဉ်ခဲ့သည်။ ပဲတင် သွင်းမည့် ကာလကို ဇွန်လမှ ဩဂုတ်လကုန်အထိ သတ်မှတ် ခဲ့သည်။

သို့သော် မတ်ပဲလိုအပ်ချက် ရှိနေခြင်းကြောင့် ပဲတင်သွင်းမည့် အချိန် သတ်မှတ်ချက် နှစ်လခန့် ကျော်လွန်သော်လည်း မတ်ပဲကို ဆက်လက်ဝယ်ယူနေသည်။

မြန်မာနိုင်ငံအနေဖြင့် မတ် ပဲ၊ ပဲစင်းငုံနှင့် ပဲတီစိမ်းတို့က တောင်သူလယ်သမားများ အဓိကထား စိုက်ပျိုးထုတ်လုပ်သည့် ပဲအမျိုးအစားဖြစ်သည်။ ထို့ ကြောင့် အိန္ဒိယနှင့် အစိုးရချင်း ချိတ်ဆက်၍ ပဲတင်ပို့နိုင်ရန် စီစဉ် ထားပြီး ညှိနှိုင်းထားသည့် စာချုပ် မူကြမ်းကို အိန္ဒိယအစိုးရထံ ပေး ပို့ရန် ပြင်ဆင်ထားကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန အမြဲတမ်းအတွင်းဝန် ဦးရန်နိုင်ထွန်းက ပြောသည်။