မန္တလေးတိုင်းအတွင်း ကျေးရွာအချို့သို့ မြေငှားဂရန်များ ချပေးမည်

မန္တလေးတိုင်းအတွင်း လယ်သူမများ ကောက်စိုက်နေစဉ်၊ ဓာတ်ပုံ-ဂျေမောင်မောင်(အမရပူရ)

မန္တလေးတိုင်းဒေသကြီး တွင် တစ်မြို့နယ်လျှင် ကျေးရွာတစ်ရွာနှုန်းဖြင့် ကျေးရွာ ၂၃ ရွာသို့ မြေငှားဂရန်များ စတင်ထုတ်ပေးမည်ဖြစ်ကြောင်း သတင်းရရှိ သည်။

ဇူလိုင် ၅ ရက်က မန္တလေး မြို့ တယက ရုံဟောင်းတွင် တိုင်းဒေသကြီးအတွင်းရှိ ကျေးရွာများအား မြေငှားဂရန်ထုတ်ပေးနိုင်ရေး လုပ်ငန်းညှိနှိုင်းအစည်းအဝေးတစ်ခု ပြုလုပ်ခဲ့ပြီး မန္တလေးတိုင်းဒေသကြီးရှိ မြို့နယ်တစ်မြို့နယ်လျှင် ကျေးရွာတစ်ရွာနှုန်းဖြင့် မြေငှားဂရန်များ စတင်ဆောင်ရွက်ပေးမည်ဖြစ်ပြီး အခြားကျေးရွာများတွင်လည်း ဆက်လက်ဆောင်ရွက်ပေးမည်ဖြစ်ကြောင်း မန္တလေးတိုင်းဒေသကြီး ၀န်ကြီးချုပ် ဦးရဲမြင့်က ပြောကြားခဲ့သည်။

‘‘ကျေးရွာတွေမှာ သူတို့တွေ ပိုင်ဆိုင်မှုတွေ ရှိခဲ့ပါတယ်။ သည် ပိုင်ဆိုင်မှုတွေကို တရားဝင်ဂရန် အဖြစ်နဲ့ စနစ်တကျပေးနိုင်အောင် လို့ ဒါလေးကို လုပ်ပေးချင်လို့ ဖြစ် ပါတယ်’’ဟု မန္တလေးတိုင်းဒေသ ကြီး ၀န်ကြီးချုပ်ဦးရဲမြင့်က ပြော ကြားသည်။ ကျေးရွာအချို့သည် ရွာမှမြို့အဆင့်ဖြစ်လာပြီး အချို့ ကျေးရွာများမှာ မြို့နယ်နိမိတ်ထဲ ပါဝင်လာကြောင်း၊ ကျေးရွာများ တွင် ဂရန်မရှိသည့်အတွက် ဂရန် လိုချင်နေကြကြောင်း၊ ရှေ့ပြေး အနေဖြင့် အိမ်ခြေတစ်ရာခန့်ရှိ သော မြို့နယ်သုံးခုမှ ကျေးရွာသုံးရွာကို စတင်ဆောင်ရွက်ပေးခဲ့ ကြောင်း ၀န်ကြီးချုပ်က ပြောသည်။


မြေယာပိုင်ဆိုင်မှု အရှုပ်အ ရှင်းမရှိသည့် ကျေးရွာများကို ရွေးချယ်သွားမည်ဖြစ်ကြောင်း၊ တစ်ဧကလျှင် ရက်ပေါင်း ၄၀ အ တွင်း၊ ငါးဧကလျှင် ရက်ပေါင်း ၆၀ အတွင်း ကြာမြင့်မည်ဖြစ်ပြီး နှစ် ၃၀ မြေအငှားစာချုပ်များ ရရှိမည် ဖြစ်ကြောင်း မန္တလေးတိုင်းဒေသ ကြီး စိုက်ပျိုးရေးနှင့် မွေးမြူရေး ၀န်ကြီးဦးမြင့်သန်းက ပြောသည်။

တိုင်းဒေသကြီး အစိုးရအဖွဲ့ မှ မြေအမျိုးအစားအလိုက် မြေ တန်ဖိုးသတ်မှတ်ရေးအဖွဲ့များကို ဖွဲ့စည်းပြီးဖြစ်၍ မြေတန်ဖိုးသတ် မှတ်ခြင်းနှင့် မြေငှားရမ်းခနှုန်း ထားများ သတ်မှတ်ခြင်းတို့ကို လည်း ဆောင်ရွက်သွားမည်ဖြစ် ကာ နှစ်အလိုက် အတည်ပြုသတ် မှတ်ရန်လည်း ပြည်ထောင်စုအစိုး ရအဖွဲ့က ညွှန်ကြားထားသည်ဟု ၀န်ကြီးက ပြောသည်။ ကြန့်ကြာ မှု မဖြစ်ပေါ်စေရေး ကျေးရွာမြေ များအား မြေငှားဂရန်ထုတ်ပေး ရန် တစ်နှစ်မြေငှားရမ်းခ နှုန်းထား များကို အနိမ့်ဆုံးနှုန်းထားအဖြစ် သတ်မှတ်  ကောက်ခံသွားမည် ဖြစ်ကြောင်း၊ ဗဟိုအဖွဲ့က တစ် ဧကလျှင် ကျပ်တစ်သိန်းနှုန်းဖြင့် ကောက်ခံရန် အကြံပြုထားပြီး သက်ဆိုင်ရာအဖွဲ့အစည်းအသီး သီးသို့ တင်ပြသွားမည်ဖြစ်ကြောင်း ၀န်ကြီးက ပြောကြားသည်။

တိုင်းဒေသကြီး လယ်ယာ မြေစီမံခန့်ခွဲရေးနှင့် စာရင်းအင်း ဦးစီးဌာန တိုင်းဦးစီးမှူး ဦးမြတ်သု ဝေက မြေငှားဂရမ်လျှောက်ထား သူသည် အသက်(၁၈)နှစ်ပြည့်ပြီး နိုင်ငံသားဖြစ်ကာ ကျေးရွာအုပ်စု အတွင်း နေထိုင်သူဖြစ်ရမည်ဟု ဆိုသည်။ နိုင်ငံသားစိစစ်ရေးကတ် ပြား ကိုင်ဆောင်ထားသူ ဖြစ်ရ မည်။ အိမ်ထောင်စုစာရင်းရှိရ မည်ဖြစ်ကာ အခြားအရပ်ဒေသမှ ပုံစံ(၁၀)ဖြင့် ပြောင်းရွှေ့လာသူ ဖြစ်လျှင်လည်း တစ်ဆက်တည်း ၁၂ နှစ် နေထိုင်ခဲ့သူဖြစ်ရမည်ဟု ပြောကြားသည်။

မြေငှားဂရန်ထုတ်ပေးသည့် ကိစ္စရပ်များကို အထွေထွေအုပ်ချုပ်ရေးဦးစီးဌာနနှင့် မြေစာရင်းဦးစီးဌာနတို့က အဓိက ဆောင် ရွက်ကြမည် ဖြစ်သည်။ မန္တလေးတိုင်းဒေသကြီးအတွင်း ကျေးရွာပေါင်း ၄,၇၈၀ ကျော်ရှိသည်။