အင်းတိုင်းရင်းသားအဖွဲ့ချုပ်

၁။ ပါတီဥက္ကဋ္ဌ - ဦးတင်အောင်ကျော်

၂။ ပါတီဝင်အရေအတွက် - ကိုးထောင်ကျော်။

၃။ ၀င်ရောက်ယှဉ်ပြိုင်မည့် မဲဆန္ဒနယ် - ရှမ်းပြည်နယ်တောင်ပိုင်းရှိ ညောင်ရွှေ၊ တောင်ကြီး၊ ဖယ်ခုံမြို့နယ်များရှိ မဲဆန္ဒနယ်များတွင် အနည်းဆုံး ခုနစ်နေရာဝင်ရောက်ယှဉ်ပြိုင်သွားမည်။

၎။ ပါတီဆောင်ပုဒ် - လှေလှော်စိတ်ထား စွမ်းအားမြင့်ထုတ်၊ အင်းတိုင်းရင်းသားအဖွဲ့ချုပ်။

၅။ ပါတီမူဝါဒ - အင်းတိုင်းရင်းသားများနှင့်တကွ အင်းဒေသဖွား ညီနောင်တိုင်းရင်းသားများအားလုံး စည်းလုံးညီညွတ်စွာဖြင့် အင်းလေးဒေသတစ်ဝန်း စိမ်းလန်းစိုပြည်သာယာရေး၊ အင်းလေးဒေသရေရှည်တည်တံ့ခိုင်မြဲရေး၊ အင်းတိုင်းရင်းသားများအားလုံး၏ လူမှုစီးပွားဘ၀ဖွံ့ဖြိုးတိုးတက်ရေးတို့ကို ဦးတည်ဆောင်ရွက်သွားမည်။

၆။ ကိုယ်စားလှယ်လောင်းသတ်မှတ်ချက် - ပါတီ၏ မူဝါဒနှင့် ဦးဆောင်မှုကို အပြည့်အ၀ခံယူသူဖြစ်ရမည်။ ဖြောင့်မတ်တည်ကြည်သူဖြစ်ရမည်။ ပြည်သူ့ကိုယ်စားလှယ်အဖြစ် ရွေးချယ်ခံရပါက သက်ဆိုင်ရာလွှတ်တော်၌ မဲဆန္ဒရှင်များနှင့် ဒေသ၏ အကျိုးစီးပွားကို စွမ်းစွမ်းတမံတင်ပြနိုင်သူဖြစ်ရမည်။

၇။ ပါတီရန်ပုံငွေ - ပါတီဝင်များ၏ လှူဒါန်းငွေဖြင့်အဓိကသုံးစွဲမည်။

၈။ နောက်ခံသမိုင်းအကျဉ်း - ၂၀၁၅ ဇန်န၀ါရီ ၅ရက်တွင် ပါတီကို စတင်ထူထောင်ခဲ့သည်။ ၂၀၁၅ တွင် ကျင်းပမည့်ရွေးကောက်ပွဲ၌ ရှမ်းပြည်နယ်အတွင်းရှိ မဲဆန္ဒနယ်မြေအချို့တွင် ၀င်ရောက်ယှဉ်ပြိုင်ရန်စီစဉ်ထားရှိသည်။


ပါတီဥက္ကဋ္ဌနှင့် အမေးအဖြေ

လွှတ်တော်ထဲရောက်လို့ရှိရင် ဖွဲ့စည်းပုံပြင်ဆင်ရေးကို ဘယ်လိုဆောင်ရွက်မလဲ။
လက်ရှိ ၂၀၀၈ဖွဲ့စည်းပုံအခြေခံဥပဒေနဲ့ပတ်သက်ပြီး တစ်တိုင်းပြည်လုံး ဆွေးနွေးနေတာရှိတယ်။ ပြင်တာပဲဖြစ်ဖြစ် အသစ်ပြန်လည်ရေးဆွဲတာပဲဖြစ်ဖြစ် ဒါတွေက လူတွေကပဲလုပ်တာ။ ဖွဲ့စည်းပုံတစ်ခုက ပြည်သူတွေရဲ့ အကျိုးစီးပွားကို ဖော်ဆောင်နိုင်မယ်ဆိုရင် အဲဒီဖွဲ့စည်းပုံက ပြည်သူတွေနဲ့  အံဝင်ခွင်ကျဖြစ်မယ်။ ဒီလိုဖြစ်အောင်လည်းအားလုံးသောပြည် သူတွေ၊ ပါတီတွေနဲ့ ပူးပေါင်းဆောင်ရွက်သွားမယ်။

လွှတ်တော်ထဲရောက်ရင် ပြည်တွင်းငြိမ်းချမ်းရေးအတွက် ဘယ်လိုဆောင်ရွက်ဖို့ရှိလဲ။
ကျွန်တော်တို့ တိုင်းပြည်ဟာလွတ်လပ်ရေးရပြီးတာ (၆၈)နှစ် လောက်ရှိပြီ။ တိုးတက်မှုအရှိန်ကအတော်လေးနှေးပြီး အရှေ့တောင်အာရှမှာအနိမ့်ဆုံးအဆင့်မှာကျန်ခဲ့တယ်။ အဓိကအချက်က ပြည်တွင်းငြိမ်း ချမ်းရေးမရလို့။ ကျွန်တော်တို့ ပြိုင်ဘက်(သို့)ညီနောင်ထိုင်းနိုင်ငံမှာက ၉၀ ရာခိုင်နှုန်းက လူမျိုးတစ်မျိုးပဲဖြစ်တယ်။ သူပုန်မရှိသလောက်ဖြစ် တယ်။ကျွန်တော်တို့ တိုင်းပြည်က လူမျိုးပေါင်း  ၁၃၅မျိုးနဲ့ ပြည်တွင်းမှာလည်းလက်နက်ကိုင်အမြောက်အမြားဖြစ်နေတယ်။ ဒီကိစ္စတွေရှင်းနေရတာကို နှစ်၆၀ကျော်ကြာသွားပြီ။ တိုင်းပြည်ရဲ့ ဖွံ့ဖြိုးတိုးတက်မှုက နောက်ကျတယ်။ တိုင်းပြည်တစ်ပြည်လုံး လှည်းနေ လှေအောင်း မြင်းဇောင်းမကျန်ငြိမ်းငြိမ်းချမ်းချမ်းနဲ့ရှာနိုင်ဖွေနိုင် စားနိုင်အောင် ငြိမ်းချမ်းရေးကို ခြွင်းချက်မရှိရဖို့ ရတဲ့နေရာကနေ တာဝန်ယူပြီးတော့ ဆောင်ရွက်သွားမယ်။

ပြည်သူတွေရဲ့ ၀င်ငွေထွက်ငွေမျှတအောင် ဘယ်လိုကူညီဆောင်ရွက်ပေးဖို့ရှိလဲ။
အင်းလေးဒေသဆိုပါတော့။ ၂၀၁၀ကစပြီး ရာသီဥတုရဲ့ရိုက်ခတ်မှု ကြောင့် ရေတွေခန်းခြောက်ပြီး ကျွန်တော်တို့ရဲ့ စိုက်ပျိုးရေးတွေမှာ အများကြီးအကျိုးသက်ရောက်မှုခံစားခဲ့ရတယ်။ အင်းလေးဒေသတစ်ခုလုံးတင်မကဘဲ ပတ်ဝန်းကျင်မှာရှိတဲ့ တောင်တန်းဒေသ၊ ရေဝေရေလဲဒေသမြေပြန့် ဒေသအားလုံးမှာရှိတဲ့ ကျွန်တော်တို့တိုင်းရင်းသားပြည်သူတွေရဲ့ လူမှုစီးပွားဘ၀တိုးတက်လာအောင်ဘက်ပေါင်းစုံက ဆောင်ရွက်ဖို့လိုတယ်။ အဓိကအားဖြင့် တောင်သူလယ်သမားနဲ့ အလုပ်သမားပေါ့။ အင်းလေးဒေသမှာ တောင်သူလယ်သမား ၇၀ရာခိုင်နှုန်းရှိတယ်။ ဒီတောင်သူလယ်သမား ၇၀ရာခိုင်နှုန်းရဲ့ ဘ၀ကို အာမခံချက်ရှိဖို့အတတ်နိုင်ဆုံးကြိုးစားသွားမယ်။

ပြည်သူတွေက အင်းတိုင်းရင်းသားအဖွဲ့ချုပ်ကို ဘာကြောင့်မဲပေးသင့်သလဲ။
မဲတစ်မဲဟာ နိုင်ငံတစ်နိုင်ငံရဲ့ အနာဂတ်၊ ဒေသတစ်ခုရဲ့အနာဂတ်လို့ ယုံကြည်တယ်။ အင်းတိုင်းရင်းသားအဖွဲ့ချုပ်ဆိုတာ အင်းတိုင်းရင်းသား လူမျိုးကို အဓိကထားပြီး ဖွဲ့စည်းထားတယ်ဆိုပေမယ့် အင်းလေးဒေသ၊ ရေဝေရေလဲ ဆယ်မြို့နယ်လုံးပါတဲ့ လူမျိုးပေါင်းစုံနဲ့ ဖွဲ့စည်းထားတဲ့ ကျယ်ပြန့်တဲ့ ပါတီဖြစ်တယ်။ ဒါကြောင့်လည်းအဖွဲ့ချုပ်လို့ နာမည်ပေး ထားတာဖြစ်တယ်။ ကျွန်တော်တို့ ပါတီအနေနဲ့ ပြည်သူတွေက ယုံယုံကြည် ကြည်တာဝန်ပေးအပ်ခဲ့လို့ရှိရင် အင်းလေးဒေသတည်တံ့ရေးကိစ္စ၊ အင်း လေးဒေသပတ်ဝန်းကျင်တောင်တန်းတွေ စိမ်းလန်းစိုပြည်ရေးကိစ္စ၊ ဒေသ ပတ်ဝန်းကျင်မှာနေထိုင်တဲ့ တိုင်းရင်းသားအားလုံးချစ်ချစ်ခင်ခင်ငြိမ်း ချမ်းစွာအခွင့်အရေးတန်းတူညီမျှယှဉ်နိုင်အောင် အစွမ်းကုန်ဦးဆောင်ပြီး ဆောင်ရွက်သွားမယ်။ ဒီလိုဆောင်ရွက်ဖို့ ပြည်သူကလည်း ရွေးချယ်မှရမယ်။

သမ္မတရွေးချယ်ခွင့်ရှိရင် ဘယ်လိုပုဂ္ဂိုလ်မျိုးကို ရွေးမလဲ။
တစ်ဦးချင်းသာ စိတ်တိုင်းကျသမ္မတလောင်းရွေးချယ်ခွင့်ရှိရင် ကျွန် တော်တို့ မြန်မာနိုင်ငံအနေအအထားကနှစ်ပေါင်း ၆၀လောက်နောက်ကျနေတဲ့ အခြေအနေကနေ တိုင်းပြည်ကိုတစ်ခါတည်းအရှိန်အဟုန်နဲ့ အင်နဲ့အားနဲ့ တွန်းတင်နိုင်တဲ့ သူတစ်ဦးကိုမြန်မာနိုင်ငံသမ္မတအဖြစ်ရချင်ပါတယ်။

ပါတီဥက္ကဋ္ဌအသက် - (၆၂)နှစ်

ပညာအရည်အချင်း - ၀ါဏိဇ္ဇ၀ိဇ္ဇာ(ဘဏ်ဘဏ္ဍာရေးနှင့်အာမခံ)၊

အထက်တန်းရှေ့နေ။

နိုင်ငံရေးဖြတ်သန်းမှု - ၁၉၇၆မှစတင်ပြီး မြို့နယ်လမ်းစဉ်လူငယ်အတွင်း ရေးမှူး၊ မြို့နယ်တောင်သူလယ်သမားအစည်းအရုံးအဖွဲ့ဝင်အဖြစ် တာဝန်ထမ်းဆောင်ခဲ့။ ၂၀၁၄-၁၅တွင် အင်းတိုင်းရင်းသားအဖွဲ့ချုပ်ပါတီကို ဦးဆောင်ဖွဲ့စည်းခဲ့။ ညောင်ရွှေမြို့နယ် ဖွံ့ဖြိုးတိုးတက်ရေးအထောက်အကူပြုကော်မတီဥက္ကဋ္ဌအဖြစ်လက်ရှိဆောင်ရွက်နေ။

လက်ရှိအလုပ်အကိုင် - ဟိုတယ်နှင့် စားသောက်ဆိုင်။

စံပြပုဂ္ဂိုလ် - အေဗရာဟင်လင်ကွန်း။

ဆက်သွယ်ရန်လိပ်စာ - အင်းတိုင်းရင်းသားအဖွဲ့ချုပ် ဗဟိုရုံးချုပ်၊ စည်ပင် နောက်ကျောလမ်း၊ ၀င်းရပ်ကွက် (၁)၊ ညောင်ရွှေမြို့။

ဖုန်း - ၀၉ ၄၃၁၃၉၀၈၀၊ ၀၉ ၄၃၁၁၆၄၄၂။