ဆင်တူယိုးမှား သတိပြုပါ

အမျိုးသားဒီမိုကရေစီအဖွဲ့ချုပ်၏ အမှတ်တံဆိပ်

ကျင်းပရန် ရက်ပေါင်းလေးဆယ် ကျော်သာလိုတော့သည့် ရွေး ကောက်ပွဲတွင် ရွေးကောက်ပွဲသ မိုင်းတစ်လျှောက် အများဆုံးအ ရေအတွက်ဖြစ်သည့်ကိုယ်စား လှယ်လောင်း ခြောက်ထောင် ကျော် ဝင်ရောက်ယှဉ်ပြိုင်ကြ တော့မည်ဖြစ်သည်။

၁၉၅၂ မှ ၂၀၁၅ နှစ်ပေါင်း ခြောက်ဆယ်ကျော်အတွင်း ပါတီ စုံဒီမိုကရေစီ အထွေထွေရွေး ကောက်ပွဲ ခြောက်ကြိမ်သာ ကျင်း ပခဲ့ဖူးသည့် မြန်မာနိုင်ငံ၌ မဲပေး ခြင်းအလေ့အထသည် အကျွမ်း တဝင်မရှိလှသေးပေ။  ထို့ နောက် စစ်အစိုးရလက်အောက်တွင် နေ ခဲ့ရပြန်ရာ ရွေးကောက်ပွဲများနှင့် ဝေးခဲ့ရပြန်သည်။ ထိုအခြေအနေ မျိုးတွင် ၂၀၁၅ ရွေးကောက်ပွဲ၌ ပါတီပေါင်း ၉၁ ပါတီနှင့် တစ်သီး ပုဂ္ဂလ ၃၀၀ ခန့် ယှဉ်ပြိုင်မည်ဖြစ် ရာ မဲပေးခြင်းနှင့် အကျွမ်းတဝင် မရှိသည့် ပြည်သူများအဖို့ ရွေး ချယ်ရခက်စရာပင်။ ပြည်သူများ အနေဖြင့် မိမိရွေးချယ်မည့် ပါ တီကိုမဲပေးရန် ရည်မှန်းထားသည့် တိုင် အခြားပါတီတစ်ခုကို မှား ယွင်းမဲပေးမိနိုင်သည့်အခြေအနေ မျိုး ရင်ဆိုင်ကြုံတွေ့ကောင်း ကြုံ တွေ့နိုင်သည်။ အကြောင်းမှာ များပြားလှသော ပါတီများတွင် များပြားလှသော ပါတီအမှတ် တံ ဆိပ် ဆင်တူမှုများ ရှိနေသော ကြောင့်ပင်။ ထိုအခြေ အနေကို ဒေါ်အောင်ဆန်းစုကြည် ရုပ်မြင် သံကြားမှတစ်ဆင့် မဲဆွယ်စည်း ရုံးသည့်နေ့က သိသာထင်ရှားစွာ သတိပြုမိခဲ့ကြသည်။

‘‘အမျိုးသားဒီမိုကရေစီအဖွဲ့ ချုပ်နဲ့ မြန်မာအမျိုးသားကွန်က ရက်ပါတီအလံက ကြယ်တစ်လုံး ကလွဲလို့ ကျန်တာအတူတူပဲ’’ဟု စက်တင်ဘာ ၂၁ ရက်ညက ရုပ် မြင်သံကြားမှတစ်ဆင့် ပါတီများ ၏ဟောပြောမှုများကို စောင့် ကြည့်ခဲ့သူ ဦးထွန်းဝေက ပြော သည်။

တိုက်ဆိုင်စွာပင် အဆိုပါ ညက ဟောပြောသည့်ပါတီသုံးခု ၏အမှတ်တံဆိပ်မှာ အနီရောင် အောက်ခံမှအစ၊ ကြယ်ပွင့်ပါရှိ ခြင်းအလယ်၊ ခွပ်ဒေါင်းပါတာ အ ဆုံး ဆင်တူရိုးမှားဖြစ်နေကြသည်။

ရွေးကောက်ပွဲဝင်မည့်ပါတီ ၉၁ ပါတီတွင် ပါတီအမှတ်တံဆိပ် (လိုဂို)ကို အနီရောင်အောက်ခံ အဖြစ် အသုံးပြုထားသည့်ပါတီ မှာ ၂၆ ပါတီထိ ရှိသည်။ ထို့ပြင် လိုဂိုတွင် ကြယ်အသုံးပြုထား သည့်ပါတီမှာ ၃၂ ပါတီ ရှိသည်။ ဆင်တူရိုးမှားဖြစ်နိုင်ခြေ အများ ဆုံးအမှတ်တံဆိပ်မှာ ဒေါင်းလိုဂိုဖြစ်ပြီး ခွပ်ဒေါင်း အသုံးပြုသည့်  ပါတီငါးပါတီရှိပြီး ကဒေါင်းကို အသုံးပြု သည့် ပါတီ လေးပါတီရှိနေသည်။ မိမိတို့ပါတီရမည့်မဲမှာ ဆင်တူရိုး မှား တံဆိပ်တစ်ခုကြောင့် အခြား ပါတီသို့ရောက်သွားမည့် နစ်နာမှု မျိုးအတွက် ပါတီများက စိုးရိမ်ပူ ပန်လျက်ရှိသည်။

‘‘စပြီး ပါတီမှတ်ပုံတင်က တည်းက ဆင်တူယိုးမှားဖြစ်နေတဲ့ ကိစ္စတွေကို ပြောခဲ့တယ်။ ဆင်တူ ယိုးမှားတင်တယ်ဆိုတာလည်း အတုပဲ။ ကော်မရှင်ကို တောက် လျှောက်ပြောခဲ့ပါတယ်။ အခုချိန် မှာ ရွေးကောက်ပွဲကလည်း အ ရမ်းနီးသွားတော့ ဘာမှ ထပ်ပြော ဖို့တော့ မရှိတော့ဘူး။ ပြည်သူ တွေလည်း ပိုင်းခြားနိုင်တဲ့အသိ ဉာဏ်ရှိပါတယ်။ ဒီလိုပဲ မျှော်လင့် ထားပါတယ်’’ဟု အမျိုးသားဒီမို ကရေစီအဖွဲ့ချုပ်၏ ဗဟိုအလုပ် အမှုဆောင်အဖွဲ့ဝင် ဦးဉာဏ်ဝင်း က မှတ်ချက်ပြုသည်။

ထို့အတူ အမျိုးသားဒီမိုက ရေစီအဖွဲ့ချုပ် ကိုယ်စားလှယ် လောင်း ဦးပြုံးချိုကလည်း  ‘‘ကျွန် တော်တို့ ဒီကိစ္စကို အလေးအနက် ထားပါတယ်။ အဲဒါကြောင့် NLD ရဲ့ အမှတ်တံဆိပ်ဖြစ်တဲ့ ခွပ် ဒေါင်းနဲ့ ကြယ်ဖြူဘေးမှာ တံဆိပ် တုံးနှိပ်ဖို့ ပြည်သူတွေကို သေချာ ရှင်းပြပါတယ်’’ဟု ပြောသည်။

မဲလက်မှတ်တွင် ကိုယ်စား လှယ်လောင်းအမည်၊ ပါတီအ မည်နှင့် ပါတီအမှတ်တံဆိပ်တို့ ပါရှိသော်လည်း ပါတီတံဆိပ် ဘေး၌ အမှန်ခြစ်တံဆိပ်တုံး ရိုက်နှိပ်ရန် ကွက်လပ်ရှိသဖြင့် လိုဂိုမှာ အရေးတကြီးအာရုံစိုက် စရာဖြစ်လာသည်။

‘‘မဲပေးတုန်းက ခမောက် ဘေးမှာ အမှန်ခြစ်လိုက်တာပဲ။ ကိုယ်စားလှယ်လောင်းနာမည် တော့ မမှတ်မိတော့ဘူး။ NLD ကို မဲပေးခဲ့တယ်’’ဟု ၂၀၁၀ ရွေး ကောက်ပွဲအတွေ့အကြုံကို ဒဂုံ မြို့သစ်(တောင်ပိုင်း)မြို့နယ်တွင် မဲပေးခဲ့သူတစ်ဦးက ပြောသည်။

သို့သော် ၂၀၁၀ ရွေး ကောက်ပွဲတွင် NLD ပါတီရွေး ကောက်ပွဲမဝင်ခဲ့ဘဲ မဲဆန္ဒရှင်က လိုဂိုကို ကြည့်ကာ မှားယွင်းမဲပေး ခဲ့မိခြင်းဖြစ်သည်။

၁၉၉၀ ရွေးကောက်ပွဲတွင် အမျိုးသားဒီမိုကရေစီအဖွဲ့ချုပ် အနိုင်ရခဲ့စဉ် လူထုမျက်စိတွင် စွဲ နေသောခမောက်တံဆိပ်သည် ဒီချုပ်မှ ခွဲထွက်လာသော အမျိုး သားဒီမိုကရေစီအင်အားစု ပါတီ နှင့် အမျိုးသားဒီမိုကရေစီပါတီသစ်တို့၏ အမှတ်တံဆိပ်ဖြစ်နေပြီ ဖြစ်သည်။

‘‘ကျွန်တော်တို့ပါတီက ခမောက်တစ်လုံးထဲ။ ဦးသိန်းညွန့် တို့က ခမောက်သုံးလုံးဆိုတော့ မှားစရာမရှိလောက်ပါဘူး’’ ဟု အမျိုးသားဒီမိုကရေစီအင်အားစု ပါတီဥက္ကဋ္ဌဦးခင်မောင်ဆွေက ပြောသည်။

မဲဆန္ဒနယ် အများအပြား တွင် ၀င်ရောက်ယှဉ်ပြိုင်မည့် NLD၏ ခွပ်ဒေါင်းတံဆိပ်သာ အဆိုပါ ပြဿနာ ကြုံရနိုင်ကြောင်း ၎င်းက ပြောသည်။

ရှမ်းပြည်နယ်၏ အင်အား ကြီးပါတီနှစ်ခုဖြစ်သည့် ရှမ်းတိုင်း ရင်းသားများဒီမိုကရေစီအဖွဲ့ချုပ် ပါတီနှင့်ရှမ်းတိုင်းရင်းသားများ ဒီ မိုကရက်တစ်ပါတီတို့မှာ အမည် ချင်းဆင်တူရုံသာမက ပါတီအ မှတ်တံဆိပ်မှာလည်း ရှမ်းတိုင်း ရင်းသားတို့၏ အထိမ်းအမှတ် ကျားပုံဖြစ်သည်။

‘‘ကျွန်တော်တို့ကတော့ ကျားဖြူပါတီနဲ့ ကျားခေါင်းပါတီ ဆိုပြီးပဲ မှတ်လိုက်တော့တယ်’’ဟု သီပေါမြို့ခံ မဲဆန္ဒရှင်တစ်ဦးက ပြောသည်။ ရွေးကောက်ပွဲဝင်မည့် ပါတီများ၏ လိုဂိုများတွင် တိရ စ္ဆာန်များကို အသုံးပြုထားသည့် ပါတီ ၃၄ ပါတီရှိပြီး ငှက်ပုံမှာ အ များဆုံးအသုံးပြုခံရသည့် အမှတ် တံဆိပ်ဖြစ်သည်။

ချင်းပါတီများသည် အောက် ချင်းငှက်ကို လိုဂိုထားပြီး မွန်ပါတီ များက ဟင်္သာကို လိုဂိုအဖြစ် အ သုံးပြုသည်။

ပါတီလိုဂိုသည် စိတ်ပညာရှု ထောင့်အရ မဲရရန် အရေးကြီး သောအရာဖြစ်သည်ဟု နိုင်ငံရေး သိပ္ပံသင်ကြားပို့ချသူ ဦးသူရိန်ရွှေ က သုံးသပ်သည်။

နိုင်ငံရေးစိတ်မဝင်စားတဲ့လူ တစ်ယောက်က မဲရုံထဲရောက်မှ မဲပေးတဲ့အခါ သူ့ကိုလွှမ်းမိုးမှုရှိတဲ့ လိုဂိုတစ်ခုကို မဲပေးလိုက်မှာပဲ’’ ဟု ဦးသူရိန်ရွှေက ပြောသည်။

လိုဂိုများသာ ဆင်တူရိုးမှား မဟုတ်ဘဲ ပါတီအမည်များမှာ လည်း ဆင်တူရိုးမှားပင်။ ပါတီ ၉၁ ခုအနက် ဒီမိုကရေစီအမည်ပါ သည့်ပါတီ ၃၅ ပါတီထိရှိသည်။

ထို့ပြင် ဖွံ့ဖြိုးရေးနှင့်တိုး တက်ရေးစာသားပါဝင်သည့် ပါ တီအမည်မှာလည်း ၂၀ အထိရှိ နေသည်။

လှိုင်သာယာမြို့နယ်ရှိ မဲ ဆန္ဒနယ်များတွင် ဝင်ရောက်ယှဉ် ပြိုင်မည့် ပါတီ ၁၈ ပါတီထိရှိ သဖြင့် အမည်များ၊ လိုဂိုများရော ထွေးကာ မဲလက်မှတ်အရှည်ဆုံး မဲဆန္ဒနယ်ဖြစ်လာပြီး ပြည်သူများ စိတ်ရှည်လက်ရှည်နှင့် ရွေးချယ်ရ တော့မည်ဖြစ်သည်။

ပါတီ် လိုဂိုများဆင်တူနေ ခြင်းနှင့်ပတ်သက်၍ မှတ်ချက် ပေးရန်ကိုမူ ပြည်ထောင်စုရွေး ကောက်ပွဲကော်မရှင်ရုံး၏ပြော ရေးဆိုခွင့်ရှိသူတစ်ဦးက ငြင်းဆို သည်။

သို့သော် နိုင်ငံရေးပါတီများ မှတ်ပုံတင်ခြင်းဥပဒေ၌မူ နိုင်ငံ ရေးပါတီတစ်ခုက မှတ်ပုံတင် လျှောက်ထားသည့်အခါ မှတ်ပုံ တင်ထားပြီးသား အခြားပါတီတစ် ခု၏အမည်၊ အလံ၊ တံဆိပ်နှင့် တူညီနေလျှင်၊ ဆင်တူရိုးမှားဖြစ် နေလျှင် ကော်မရှင်က ပြင်ဆင် ရန်စေခိုင်းနိုင်ပြီး မလိုက်နာပါက လျှောက်လွှာပယ်ဖျက်သည်အထိ အရေးယူခွင့်ရှိသည်။

ကိုယ်စားလှယ်လောင်းများ အနေဖြင့် မဲဆန္ဒရှင်ပြည်သူများ ကို မိမိပါတီလိုဂိုနှင့်ပတ်သက်၍  ဆင်တူယိုးမှားမဖြစ်ရန် သေချာ ရှင်းပြရန် လိုအပ်ကြောင်း နိုင်ငံ ရေးဆောင်းပါးရှင် ဒေါက်တာရန် မျိုးသိမ်းက ပြောသည်။

‘‘နိုင်ငံရေးအရ ပြောရရင် ဗျာ။ အမျိုးသားဒီမိုကရေစီအဖွဲ့ ချုပ်လို နိုင်ငံရေးပါတီကြီးတစ်ခုရဲ့ လိုဂိုကို ဆင်တူယိုးမှားလုပ်တာ။ ပုံမှားရိုက်တာဟာ နိုင်ငံရေးအရ လှည့်စားတာပဲ။ ကျင့်ဝတ်မညီတဲ့ လုပ်ရပ်ပဲလို့ ပြောလို့ရတယ်’’ဟု ၎င်းက ပြောသည်။

ရွေးကောက်ပွဲများနှင့်မယဉ် ပါးလှသော မြန်မာ့လူ့အဖွဲ့အ စည်းအတွက် ပါတီလိုဂိုများဆင် တူမှုက မည်မျှ သက်ရောက်မှုရှိ သည်ကို ၂၀၁၀ ရွေးကောက်ပွဲ တွင် မဲပေးခဲ့သူအချို့၏ ပြောစ ကားအရ သိနိုင်သည်။ ကျေး လက်တောရွာများမှ မဟုတ်ဘဲ ရန်ကုန်မြို့တွင်နေထိုင်သည့် အ လွှာစုံမှ လူ ၁၀ ဦးကို ၂၀၁၀ ရွေး ကောက်ပွဲတွင် မည်သည့်ပါတီကို မဲပေးခဲ့သနည်းဟုမေးမြန်းကြည့် ခဲ့ရာ ခုနစ်ဦးက အမျိုးသားဒီမိုက ရေစီအဖွဲ့ချုပ်ကို မဲပေးခဲ့သည်ဟု ဆိုကြသည်။

‘‘ကိုယ်စားလှယ်လောင်းနာ မည်တော့ မမှတ်မိတော့ဘူး။ အ မျိုးသားဒီမိုကရေစီအဖွဲ့ချုပ်ကို မဲ ပေးခဲ့တယ်။ ခမောက်ဘေးမှာ အမှန်ခြစ်ခဲ့တယ်’’