သီလဝါအထူးစီးပွားရေးဇုန် အစုရှယ်ယာတန်ဖိုး တစ်နှစ်ခွဲအတွင်း လေးဆခန့်တက်

သီလဝါအထူးစီးပွားရေး ဇုန်အစုရှယ်ယာများရောင်းချမှု တစ်နှစ်ခွဲကြာမြင့်ချိန်တွင် ရှယ် ယာတစ်စု၏တန်ဖိုးမှာ လေးဆခန့် မြင့်တက်လာကြောင်းသတင်းရရှိ သည်။

သီလဝါ အစုရှယ်ယာများကို အများပြည်သူအားစတင်ရောင်း ချစဉ်က တစ်စုလျှင် ကျပ်တစ် သောင်းဖြင့် ရောင်းချခဲ့သည်။ ယခုသီလဝါအထူးစီးပွားရေးဇုန် ပထမအဆင့် စတင်ဖွင့်လှစ်သော စက်တင်ဘာ ၂၃ ရက်နောက်ပိုင်း တွင် တစ်စုလျှင် ကျပ် ၄၀,၀၀၀ ခန့်ထိ  ဈေးတက်လာကြောင်းမြန်မာသီလဝါအထူးစီးပွားရေးဇုန်ဟိုးလ်ဒင်းအများပိုင်ကုမ္ပဏီလီမိတက်မှ ဒါရိုက်တာတစ်ဦးကပြောသည်။

‘‘အကန့်အသတ်နဲ့ဆိုတော့ တန်ဖိုးက မြင့်တက်လာတာပါ။ အောင်မြင်မှုက အကောင်အထည်ပေါ်လာပြီဆိုတော့ ရင်းနှီးမြှုပ်နှံချင်သူတွေပိုများလာတယ်’’ ဟု ပုဂ္ဂိုလ်ကရှင်းပြသည်။

သီလဝါအထူးစီးပွားရေးဇုန် အစုရှယ်ယာများကို အများပြည် သူသို့ တစ်စုလျှင် ကျပ်တစ် သောင်းဖြင့် ၂၀၁၄ မတ်လ ၃ ရက်မှ ဧပြီ ၉ ရက်အထိ ၃၇ ရက်ကြာ ရောင်းချခဲ့သည်။ ထိုသို့ ရောင်းချရာတွင် အစုရှယ်ယာ ဝယ်လိုသူ ၁၇,၀၀၀ ကျော်က အဆိုပြုပြီး ရှယ်ယာတန်ဖိုး ကျပ် ဘီလီယံ ၄၀ ကျော်ထိရှိနေသည်။


အစုရှယ်ယာစုစုပေါင်း ၂ ဒသမ ၁၄၅ သန်းကို ရောင်းချခဲ့ခြင်းဖြစ်သည်။

 အစုရှယ်ယာရောင်းချရာ တွင် လူတစ်ဦးလျှင် ကျပ်ငွေ တစ်သောင်းမှ ကျပ်သိန်း ၅၀ ဖိုးအထိ ရောင်းချပေးခဲ့သည်။ ရောင်းချရာတွင်လည်း အနည်းစု အဆိုပြု ဝယ်ယူသူများကိုသာ ဦးစားပေးခဲ့သည်။ သီလဝါအစု ရှယ်ယာများသည် နှစ်စဉ် အမြတ် ငွေခွဲဝေပေးမည့် ရှယ်ယာအမျိုး အစားမဟုတ်ဘဲ ရှယ်ယာတန်ဖိုး မြင့်တက်မှုအပေါ်တွင်သာ အရောင်းအဝယ်ပြုလုပ်နိုင်သော ရှယ်ယာ အမျိုးအစားဖြစ်ကြောင်းသီလဝါ အထူးစီးပွားရေးဇုန်စီမံခန့်ခွဲမှု ကော်မတီဥက္ကဋ္ဌဒေါက်တာဆက်အောင်က သတင်းမီဒီယာများသို့ ပြောကြားထားသည်။

 သီလဝါအစုရှယ်ယာများလက်ရှိအရောင်းအဝယ်ပြုလုပ် ခြင်းကို ကုန်သည်စက်မှုအသင်း ချုပ် ၁၁ လွှာတွင် ရုံးချုပ်ဖွင့်လှစ် ထားပြီး ဝယ်ယူလိုသူ၊ ရောင်းချ လိုသူများ တရားဝင်လာရောက် ချိတ်ဆက် ပြုလုပ်နိုင်သည်။

သီလဝါအထူးစီးပွားရေးဇုန် ကို ဂျပန်နှင့်မြန်မာနှစ်နိုင်ငံပူး ပေါင်း၍ ၂၀၁၃ နိုဝင်ဘာမှစတင်အကောင်အထည် ဖော်တည်ဆောက်ခဲ့သည်။ သီလဝါအထူးစီးပွားရေးဇုန်ကို ဂျပန်နိုင်ငံမှ ၄၉ ရာခိုင်နှုန်း၊ မြန်မာနိုင်ငံမှ ၅၁ ရာခိုင်နှုန်း ထည့်ဝင်ရင်းနှီးမြှုပ်နှံထားခြင်းဖြစ်သည်။

မြန်မာနိုင်ငံဘက်မှ ရင်းနှီးမြှုပ်နှံသော ၅၁ ရာခိုင်နှုန်းတွင်စီမံခန့်ခွဲမှုကော်မတီက ၁၀ ရာခိုင်နှုန်းပိုင်ဆိုင်ပြီး ကျန် ၄၁ ရာခိုင်နှုန်းကို အများပြည်သူအား ရောင်းချခြင်းဖြစ်သည်။