ဗိုလ်ချုပ်ဟောင်းများ အကြီးအကျယ်အမြတ်အစွန်းရနေသော မြန်မာကျောက်စိမ်းကုန်သွယ်မှု

ဖားကန့်မှ တစ်နိုင်တစ်ပိုင်ရေမဆေးကျောက် ရှာဖွေနေသူများ (ဓာတ်ပုံ − ရဲအောင်သူ/အေအက်ဖ်ပီ)

မြန်မာနိုင်ငံ၏ ကျောက်စိမ်းကုန် သွယ်မှုကို အပြင်းအထန်ဝေဖန် ထားသော အစီရင်ခံစာတစ်စောင် တွင် ကျောက်စိမ်းတုံးများတူးဖော် သည့် မြန်မာနိုင်ငံ၌ လူများကို သေဆုံးစေပြီး ကံမကောင်းအ ကြောင်းမလှမှုများကို ဖန်တီး သယ်ဆောင်လာနေသည်ဟု သတိပေးထားပါသည်။

အမေရိကန် ဒေါ်လာသန်း ရာချီတန်သော ကျောက်မျက်လုပ် ငန်းအား မြန်မာနိုင်ငံကို အုပ်ချုပ်ခဲ့သော အာဏာပြင်းလှသည့် စစ်ဗိုလ်ချုပ်ကြီးများနှင့် မူးယစ်ဆေး ဝါးဂိုဏ်းရာဇာများက တင်းတင်းကျပ်ကျပ် ထိန်းချုပ်လွှမ်းမိုးကြီးစိုး ထားသည်ဟု Global Witnessအဖွဲ့၏ စုံစမ်းဖော်ထုတ်မှုအရ သိရပါသည်။ ထိုအဖွဲ့က မြန်မာကျောက်စိမ်းလုပ်ငန်းစီးပွားရေး သည် ယနေ့ခေတ်သမိုင်းတွင်  အကြီးမားဆုံး သဘာဝသယံဇာတ ခိုးထုတ်မှုဖြစ်နိုင်သည်ဟု ပြော ကြားလိုက်သည်။

အကယ်၍ မြန်မာနိုင်ငံကို ပံ့ပိုးနေကြသော နိုင်ငံတကာ အ လှူရှင်များကလည်း လုပ်ငန်းများပွင့်လင်းမြင်သာမှုများ ဖြစ်လာ ရန် ဖိအားမပေးနိုင်ပါက လာမည့် ရွေးကောက်ပွဲ ကျောက်စိမ်းမှရသောငွေများဖြင့် တရားမမျှတစွာ အနိုင်ယူလွှမ်းမိုး သွားနိုင်သည်ဟု လည်း သတိပေးထားပါသည်။

ကျောက်စိမ်းကို ရွှေထက် အမြတ်တနိုးတန်ဖိုးထားနေသည့် တရုတ်နိုင်ငံက ဝယ်ယူသူများ ကြောင့် ဝယ်လိုအားကောင်းနေ ပြီး ကျောက်စိမ်းတစ်ကီလိုလျှင် စတာလင်ပေါင် ၈,၄၀၀ (အမေရိ ကန်ဒေါ်လာ ၁၃,၀၀၂) အထိ ဈေး ပေါက်နေ၏။ ကျောက်စိမ်းကုန် သွယ်မှု အကျိုးအမြတ်များဖြစ် ထွန်းနေပါသည်။ ထိုကဲ့သို့ ဝယ်လိုအားကောင်းမှုကြောင့် ကျောက် စိမ်း ၂၇ လုံးပါ လည်ဆွဲတစ်ခုကို စတာလင်ပေါင် ၁၇ ဒသမ ၇ သန်းဖြင့် ဟောင်ကောင်၌ ပြီးခဲ့သည့် နှစ်က ရောင်းချခဲ့ရသည်။

၂၀၁၄ ၌ မြန်မာနိုင်ငံတွင် ကျောက်စိမ်းကုန်သွယ်မှုမှ ရရှိ သော ငွေတန်ဖိုးသည် ဗြိတိန်စတာ လင်ပေါင် ၂၀ ဘီလီယံအထိရှိမည်ဟု ခန့်မှန်းထားပါသည်။ ထို ပမာဏသည် တစ်တိုင်းပြည်လုံး ၏ ပြည်တွင်းထုတ်ကုန်ပမာဏ ဂျီဒီပီ၏ ထက်ဝက်နီးပါးရှိနေပါ သည်။ ထို့အပြင် ကျောက်တွင်း လိုင်စင်ထုတ်ပေးမှုသည်လည်း အကျင့်ပျက်ခြစားမှုများနှင့်အစိုး ရနှင့် နီးစပ်သူများအား  လိုင်စင် ချပေးမှုများရှိနေကြောင်း GlobalWitness အဖွဲ့ကသတိပေးထား ၏။ ထို့ကြောင့်ကျောက်စိမ်းတွင်း လုပ်ငန်းကိုယခင်စစ်အာဏာရှင် လက်ထက် တိုင်းပြည်အမှောင်ကျ ခဲ့စဉ်က လူတွေကပဲ ကြီးစိုးထား ပါသည်။

ထိုအထဲမှာ ၂၀၁၁ က ရာထူးကနေ ဆင်းပေးပြီ လက်ရှိသမ္မတ ဦးသိန်းစိန်ကို အာဏာလွှဲပေးခဲ့ သည့် စစ်အာဏာရှင်ဟောင်း ဗိုလ်ချုပ်မှူးကြီးသန်းရွှေသည် ကျောက်စိမ်းလုပ်ငန်းကို အဓိက ကြိုးကိုင်သူဟု သူတို့က ဆိုပါ သည်။ သူ၏ မိသားစုပိုင် ကုမ္ပဏီ များသည် ၂၀၁၃ နှင့် ၂၀၁၄ တွင် ကျောက်စိမ်းတန်ဖိုး စတာလင် ပေါင် သန်း ၁၄၀ (အမေရိကန် ဒေါ်လာ သန်း ၂၂၀ ခန့်)ရောင်းချ ခဲ့ပါသည်။ ဗိုလ်ချုပ်မှူးကြီး သန်း ရွှေသည် အမေရိကန်ကုမ္ပဏီများ ကုန်သွယ်ခြင်းမပြုနိုင်သော ပိတ် ဆို့အရေးယူထားသည့် မြန်မာ ပြည်မှ ဗိုလ်ချုပ်ဟောင်းများနှင့် စီးပွားရေးလုပ်ငန်းရှင်များစာရင်းတွင် ပါဝင်သူဖြစ်ပါသည်။

ထိုကျောက်စိမ်းလုပ်ငန်းက နေ အကျိုးအမြတ်ရခဲ့သည်ဟု စွပ်စွဲခံရသော တခြားထင်ရှား သည့် ထိပ်တန်းစစ်ဗိုလ်ချုပ်ကြီး များမှာ လက်ရှိ မွေး/ရေ ဝန်ကြီး ဦးအုန်းမြင့်လည်း ပါဝင်ပါသည်။ သူက ကျောက်စိမ်းများ တူးဖော်ထွက်ရှိရာ ကချင်ပြည်နယ်၏ စစ်တိုင်းမှူးဟောင်းဖြစ်သည်။ အမေရိကန်အစိုးရက သူ၏ဦးခေါင်းကိုရလျှင် ဒေါ်လာနှစ်သန်းပေးမည်ဟု ဆုငွေထုတ်ခံထားရသည့် ‘ဝ’လူမျိုးမူးယစ်မှောင်ခိုခေါင်းဆောင် ဝေရှောက်ခန် (WeiHsueh Kang)ကလည်း ကျောက်စိမ်းလုပ်ငန်း မှာ အဓိကလုပ်ဆောင်နေသူဖြစ်၏။ သူနှင့် ပတ်သက်ဆက်စပ်နေသောကုမ္ပဏီများကလည်း ကျောက် စိမ်းများကို အခွန်မဆောင်မီ တန် ဖိုးစတာလင်ပေါင် ၆၄ သန်းအထိ ရောင်းချခဲ့ရပါသည်။

‘‘သည်တရားမဝင် ကြီးမား လှတဲ့ စီးပွားရေးလုပ်ငန်းကြီးကို စစ်ဗိုလ်ချုပ်ဟောင်းတွေရဲ့ လက် ပါးစေတွေ၊ မူးယစ်ဆေးဝါးရာဇာ တွေနဲ့ လက်နက်ကိုင်တွေက ထိန်းချုပ်ထားဆဲပါ’’

အခြားကုမ္ပဏီများနှင့် ပိုင် ရှင်နာမည်ပြောင်းများဖြင့် နောက် ကွယ်ကနေ လှုပ်ရှားနေသော အခွင့်ထူးခံ လူတန်းစားများက ကျောက်စိမ်းလုပ်ငန်းမှ အမြတ် ရကြီးပွားချမ်းသာနေချိန်တွင် ဒေသခံများကတော့ မတရားနှိပ် စက်မှုများကိုခံနေရ၏။ သူတို့၏သဘာဝအမွေအနှစ် သယံဇာတ မြေများကို သူတို့ခြေထောက် အောက်မှ ဖဲ့ယူနေတာကို မြင်နေ ကြရသည်ဟု Global Witness အဖွဲ့မှ သုတေ သီဂျူမန်ကုဗာက ပြောသည်။

‘‘၂၀၁၁ ကတည်းက အသွင် သစ်ပြောင်းထားတဲ့ လက်ရှိအစိုး ရက အတိတ်က ရက်စက်တဲ့ စစ် အာဏာရှင်စနစ်၊ ခရိုနီစနစ်နဲ့ လူ့ အခွင့်အရေးချိုးဖောက်မှုတွေက နေ စာမျက်နှာအသစ်ကို ပြောင်း နေပြီလို့ ကမ္ဘာကြီးကို ပြောကြားခဲ့ သည်။ ဒါပေမဲ့ တိုင်းပြည်ရဲ့ တန် ဖိုးအရှိဆုံး သယံဇာတတစ်ခုဖြစ် တဲ့ ကျောက်စိမ်းလုပ်ငန်းမှာတော့ သူတို့ပြောတာတွေနဲ့ တကယ့်ဖြစ် ရပ်က တခြားစီပဲ’’

စစ်တပ်က တိုက်ရိုက်ထိန်း ချုပ်ထားသည့် ကုမ္ပဏီများက လည်း ကျောက်စိမ်းကုန်သွယ်မှု မှ အမေရိကန်ဒေါ်လာ သန်း ၂၈၀ ရရှိခဲ့သည်ဟု အစီရင်ခံစာက ပြောကြားထားသည်။ ထို့အပြင် ကျောက်စိမ်းလုပ်ငန်းမှရရှိသော ဝင်ငွေသည် မြန်မာစစ်တပ်နှင့် ကချင် လက်နက်ကိုင်များအ ကြားက တိုက်ပွဲတွေကို ကူညီပံ့ပိုး ရန် အတော်များများသုံးစွဲခဲ့သည် ဟုလည်း ဆိုသည်။ ၂၀၁၁ က ပြန် လည်ဖြစ်ပွားခဲ့သော အဆိုပါစစ်ပွဲများကြောင့် အသက်ထောင်ချီ ဆုံးရှုံးရသကဲ့သို့ လူတစ်သိန်းခန့် အိုးအိမ်စွန့်ခွာ ထွက်ပြေးခဲ့ရ၏။

ထို့အပြင် ကျောက်စိမ်းတူး ဖော်မှုနှင့် ကချင်စစ်ပွဲများသည် ခွဲခြားမရအောင် ဆက်စပ်နေ သည်ဟု အစီရင်ခံစာက သတိ ပေးထားသည်။ သူတို့၏ ရန်သူ တော် အစိုးရ၏ လိုင်စင်ရကုမ္ပဏီ များက သူတို့၏ သဘာဝအမွေ အနှစ် သယံဇာတများကို ထိန်း ချုပ်လုပ်ကိုင်နေသည်ဟု မြင်ရ သည်က ကချင်လူထုအကြား နာကြည်းမှုများ ဖြစ်လာစေသော အကြောင်းရင်းများ ဖြစ်သည်။ ကိုယ့်ခြံထဲကအပင် ကိုယ်က အ သီးစားခွင့်မရှိဆိုသည့် သဘော မျိုးဖြစ်သည်။ ယင်းကုန်သွယ်မှုမှ ရရှိသော အကျိုးအမြတ်ကို ဖြေ ရှင်းရန် မကြိုးစားသည့် မည်သည့်  ငြိမ်းချမ်းရေး သဘောတူညီချက် မဆို ကြာကြာခံမည်မဟုတ်ဟု Global Witness ၏ အစီရင်ခံ စာတွင် မှတ်ချက်ပေးထားသည်။

ယင်းကျောက်စိမ်းလုပ်ငန်း သည် ထိရောက်သော လုပ်ထုံး စည်းမျဉ်းများမရှိခြင်းကလည်း သဘာဝပတ်ဝန်းကျင် အလွန်အမင်းပျက်စီးမှုကို ဖြစ်ပွားစေသည်။ ပြီးခဲ့သည့်နှစ်တွင် ဖားကန့်ဒေသမှ လူများက သမ္မတဦးသိန်းစိန်ထံသို့ ပို့ထားသည့် အိတ်ဖွင့်စာတစ် စောင်၌ ကျောက်တူးသည့်ကုမ္ပဏီ များ၏ မတရားလုပ်ရပ်များကို ရပ်တန့်ပေးရန် တောင်းဆိုထားသည်။ ထိုစာတွင် တောင်ကုန်းနှင့်တောင်

တန်းများကို ဒိုင်းနမိုက်ဖြင့် ဖြိုခွဲနေမှုကြောင့် ဒေသခံများအတွက် ပြင်း ပြင်းထန်ထန် ကျန်းမာရေးထိခိုက်နိုင်ပြီး ရောဂါများနှင့် လူသေဆုံးမှု များ ဖြစ်လာနိုင်သည်ဟု ဖော်ပြ ထားပါသည်။

မိုးကြီးမှုကြောင့် ရေကန်၊ အင်းအိုင်များ ရေလျှံစေသကဲ့သို့ ထိုရေကန်၊ အင်းအိုင်များကိုလည်း တမင်တကာ ဖျက်ဆီးနေကြ ကြောင်း၊ ထို့ကြောင့် ကျွဲ၊ နွားများ သေဆုံးပြီး ဥစ္စာပစ္စည်းပိုင်ဆိုင်မှု များ ဆုံးရှုံးရကြောင်း၊ သို့သော် ထိုကဲ့သို့ ပျက်စီးမှုများကို ကျောက်တူးနေသည့် ကုမ္ပဏီများက မည် သည့်အခါမျှ တာဝန်မယူကြောင်း အဆိုပါစာတွင် ရေးသားထား သည်။

မြန်မာပြည်မှာ စစ်အစိုးရ ဆင်းပေးပြီးကတည်းက နိုင်ငံရေး နှင့် စီးပွားရေးပြုပြင်ပြောင်းလဲမှု များကို အားပေးသည့်အနေဖြင့် မြန်မာ၏ အလှူရှင်နိုင်ငံများက ပိတ်ဆို့အရေးယူမှုများကို တဖြည်း ဖြည်းဖယ်ရှားပေးနေပါသည်။

သို့သော်လည်း အဆိုပါနိုင်ငံ များအနေဖြင့် နောက်ထပ် ပိတ် ဆို့မှုများ မရုပ်သိမ်းမီ သတိထား စဉ်းစားကြရန် Global Witness ၏ အစီရင်ခံစာတွင် တိုက်တွန်းထား သည်။ ပြီးခဲ့သည့်နှစ်က မြန်မာ နိုင်ငံသည် ရေနံ၊ သဘာဝ ဓာတ်ငွေ့နှင့် သတ္တုတွင်းလုပ်ငန်း များ၌ အကျင့်ပျက်ခြစားမှုများကို ရပ်တန့်ရန် သဘာဝသယံဇာတ လုပ်ငန်းများ ပွင့်လင်းမြင်သာမှု ရှိစေရေး ဆောင်ရွက်ကျင့်သုံးမှု နိုင်ငံတကာ သဘောတူညီချက် (EITI)တွင် ပါဝင်ဆောင်ရွက်ရန် သဘောတူခဲ့၏။ မြန်မာ့ကျောက် စိမ်းလုပ်ငန်း ပွင့်လင်းမြင်သာမှု တိုးတက်လာအောင် အမေရိကန် နှင့် အခြားအလှူရှင်နိုင်ငံများအနေဖြင့် သူတို့၏ ဩဇာအရှိန်အဝါ ကို အသုံးချသင့်သည်ဟုလည်း အစီရင်ခံစာက ပြောကြားထား သည်။

‘‘ငြိမ်းချမ်းရေးလုပ်ငန်းစဉ်နဲ့ EITI က အနောက်နိုင်ငံတွေဆီက အလှူငွေရအောင် ဆွဲဆောင်တဲ့ သံလိုက်တွေပဲ။ ဒါကြောင့် အလှူ ရှင်နိုင်ငံတွေအနေနဲ့ ဒါဟာ မြန်မာ အစိုးရကို ခိုင်မာတဲ့အပြောင်းအ လဲဖြစ်အောင် တွန်းအားပေးဖို့ တကယ့်အခွင့်အရေးတွေပဲ။ ဒါ ပေမဲ့ မြန်မာရဲ့ ပြောင်းလဲမှုကို  အပြုသဘောနဲ့ ချဉ်းကပ်လိုသူအတွက် လည်း ပြဿနာဖြစ်နေပါတယ်။ကချင်ဒေသပဋိပက္ခနဲ့ ကျောက် စိမ်းလုပ်ငန်းက တကယ့်ကို ခက်ခဲတဲ့ ပြဿနာတွေပါ။ ဒါတွေကို ရှောင်လွှဲလို့လည်းမရသလို အချိန်ဆွဲလို့လည်း မရဘူး’’ဟု GlobalWitness ၏ အစီရင်ခံစာက သတိပေးထားပါသည်။ ယင်းကိစ္စနှင့် ပတ်သက်၍ လန်ဒန်မြို့မှ မြန်မာသံရုံး ပြောဆိုခွင့်ရှိသူ၏ မှတ် ချက်ကို မရရှိခဲ့ပေ။

(ဗြိတိန်နိုင်ငံထုတ် The Indepe-ndent သတင်းစာပါ ဆောင်းပါး ရှင် David Connett ၏ Burma jade trade: Former junta members making huge profits while locals suffer environmental effects ကို ထားထားမြင့် ဘာသာပြန်ဆိုသည်။)