အခြေခံဥပဒေပြဌာန်းချက် နဲ့ မညီလို့ လွှတ်တော်ကော်မတီရဲ့အစီရင်ခံစာပြန်ပြင်ဖို့တပ်မတော် လွှတ်တော်ကိုယ်စားလှယ်အကြံပြု

Thu, 2018-06-21 17:02 -- Nwe Mon Phyo

ဇွန် - ၂၀ ၊၂၀၁၈

အမျိုးသားလွှတ်တော် အစိုးရရဲ့အာမခံချက်များ ၊ ကတိများ နဲ့ တာဝန်ခံချက်များ ကော်မတီရဲ့ အစီရင်ခံစာကိုဒီကနေ့ လွှတ်တော်ရဲ့အတည်ပြုချက်ရယူရာမှာ တပ်မတော်သားကိုယ်စားလှယ်တစ်ဦး က ကန့်ကွက်လိုက်ပါတယ်။

ဒီလို ကန့်ကွက်တာဟာ အစီရင်ခံစာတစ်ခုလုံးကို ကန့်ကွက်တာ မဟုတ်ပဲ ဆလုံတိုင်းရင်းသားတွေအတွက် သီးခြားဇုန်နယ်မြေထားရှိရေး နဲ့ သက်ဆိုင်တဲ့ အချက်သုံးချက်ကိုမူတည်ပြီး ထောက်ပြတာဖြစ်တယ်လို့ တပ်မတော်သားလွှတ်တော်ဗိုလ်မှူးကျော်စိုးဦးက ပြောပါတယ် ။
ဆလုံလူမျိုးများသာ သီးသန့် နေထိုင်တဲ့ ကျွန်းများသတ်မှတ်ပေးဖို့ ဆောင်ရွက်သင့်တဲ့ကိစ္စ၊ဆလုံလူမျိုးများနေထိုင်ရာကျွန်းရွာငယ်များပေါ်မှာ ဆလုံမဟုတ်တဲ့အခြားရွှေ့ ပြောင်းအခြေချသူတွေကို ကန့်သတ်ထိန်းချုပ်ပေးဖို့ဆောင်ရွက်သင့်တဲ့ကိစ္စ၊ ကျွန်းအရေအတွက်သတ်မှတ်ပြီး ဆလုံလူမျိုးတွေသဘာဝအတိုင်းနေထိုင်တဲ့ ဒေသဖြစ်အောင်သတ်မှတ်ဆောင်ရွက်သင့်တယ်ဆိုတဲ့ အစီရင်ခံစာမှာပါတဲ့ သုံးချက် ကို တပ်မတော်သားလွှတ်တော်ကိုယ်စားလှယ်က ထောက်ပြခဲ့တာပါ။

ရုပ်သံသတင်းထောက် - စိုးရ

Thursday, June 21, 2018